நியூயார்க்: அமெரிக்காவின் நியூயார்க் நகரில் அமைந்துள்ள கொலம்பியா பல்கலைக்கழக ஆராய்ச்சியாளர்கள் எச்.ஐ.வி. பாதிப்பை கண்டறியும் கருவி ஒன்றை கண்டுபிடித்துள்ளனர். இக்கருவி பிளாஸ்டிக்கால் உருவாக்கப்பட்டுள்ளது. மேலும் இக்கருவி 100 சதவீதம் துல்லியமாக செயல்பட்டு நோய் தாக்கப்பட்டுள்ளதா என 15 நிமிடங்களில் முடிவை தெரிவித்து விடுகிறது. இதற்காக நிறைய செலவும் ஆவதில்லை. அமெரிக்க மதிப்பில் வெறும் ஒரு டாலர் மட்டுமே இதற்காக செலவிட நேரிடும். மிகவும் எளிதாக கையாளகூடிய வகையில் வடிவமைக்கப்பட்டுள்ள இக்கருவி கிரெடிட் கார்டு வடிவில் அமைந்துள்ளது. இந்த கருவி மக்களிடம் அதிக வரவேற்பை பெறும் என எதிர்ப்பார்க்கபடுகிறது.