skip to main |
skip to sidebar
5:23 am
எச்ஐவி நோய் பாதித்தவர்களுக்கு கீழ் கூறும் அறிகுறிகள் காணப்படும். ஆனால் இந்த அறிகுறிகள் இருப்பவர்கள் அனைவருக்கும் எச்ஐவி நோய் இருக்கும் என்பது அர்த்தமாகாது.
எச்ஐவி பாதிப்புக்குள்ளான பலரிடம் ஆரம்பநிலையில் அதற்கான அறிகுறிகள் தெரிவதில்லை. இருந்தபோதிலும் சிலரிடம் இது காய்ச்சல் மூலம் வெளிப்படுகிறது. அதுவும் இந்த வைரஸ் மூன்று முதல் ஆறு வாரங்களுக்குப் பிறகே தெரிகிறது.
தீவிர எச்ஐவி பாதிப்பினால் ஏற்படும் உடல் நலக்குறைவு, காய்ச்சல், தலைவலி, உடல் சோர்வு, குமட்டல், வயிற்றுப்போக்கு, நெறிகட்டுதல் (அக்குள், கழுத்து கட்டி) போன்றவற்றினைத் தோற்றுவிக்கின்றது.
இந்த அறிகுறிகள் கூட எச்ஐவி தொற்றிய ஒரு சில நாட்களில் தெரிவதில்லை. மேலும் இது, ஆரம்பநிலையில் வேறு ஏதோ ஒரு வைரஸ் என்று தவறாகவே இனங் காணப்படுகிறது. எனவே ஆரம்ப நிலையில் எச்ஐவி தொற்றைக் கண்டுபிடிப்பது கடினமாகும்.
தொற்று ஏற்பட்ட முதல் மூன்று மாதங்களில் வைரசின் எண்ணிக்கை கணக்கற்றுப் பெருகி, உடலின் பல பாகங்களிலும் பரவுகின்றன. குறிப்பாக மூட்டுக்களில் உள்ள திசுக்கள் இதனால் பாதிக்கின்றன.
இந்நிலையில் அத்தொற்று, பாதிக்கப்பட்டவர்களிடமிருந்து மற்றவர்களுக்கு எளிதாகப் பரவிவிடுகின்றது.
உடலில் உள்ள நோய் எதிர்ப்பு சக்திகள் (வெள்ளை அணுக்கள்) அனைத்தும் ஒன்று திரண்டு போராடத் தொடங்கும் போதுதான் எச்ஐவியின் வேகம் சற்று குறைகிறது.
எச்ஐவி தொற்றின் தீவிரமான அறிகுறிகள் தெரிய பல வருடங்கள் ஆகின்றன. பெரியவர்களுக்கு எச்ஐவி தொற்றிய பிறகு அது வெளித் தெரிவதற்கு 10 வருடங்களுக்கும் மேல் ஆகிறது. எச்ஐவி தொற்றோடு பிறக்கும் குழந்தைகளுக்கு அது தெரிய இரண்டு வருடங்கள் ஆகின்றன. இவ்வாறு அறிகுறிகள் தெரிவது மனிதருக்கு மனிதர் மாறுபடும்.
"எய்ட்ஸ்" வெளியில் தெரிய ஆரம்பித்த உடன் பாதிக்கப்பட்டவர் அடிக்கடி நோய் வாய்ப்படுவர். உடல் எடை குறைவு, தொடர் காய்ச்சல், வயிற்றுப்போக்கு ஆகியன எய்ட்ஸின் முக்கியமான அறிகுறிகளாகும். மேலும் எய்ட்ஸ் நோயாளிகள், காசநோய், பூஞ்சான் நோய் தொற்று, சில வகைப்புற்று நோய்கள், நிமோனியா போன்ற பல்வேறு நோய்களால் பாதிக்கப்படுகின்றனர்.
பொதுவாக எய்ட்ஸ் நோய் பாதித்தவர்களுக்கு வெள்ளை அணுக்கள் குறைவதால் எதிர்ப்புசக்தி குறைகிறது. இதனால் எளிதாக எந்த நோயும் எய்ட்ஸ் நோயாளியைத் தாக்குகிறது. எய்ட்ஸ் நோய் பாதித்தவர்கள் பெரும்பாலும் ஏதாவது ஒரு தொற்று நோயாலோ அல்லது பெரிய நோய்த் தாக்குதலாலோத் தான் எளிதில் மரணமடைகிறார்கள்.
எனவே மிகுந்த எச்சரிக்கையுடன் வாழ்ந்து, சுகாதாரமாக உடலைப் பேணி வந்தால் எய்ட்ஸ் நோயாளிகளும் நலமாக பல ஆண்டுகள் உயிர் வாழலாம் என்பது நிரூபிக்கப்பட்ட உண்மை.
5:15 am
கண்களை எந்தப் பக்கமும் திருப்புதல், குதித்து குதித்து ஓடும் ஒருவகை மீன் இனம், குதிரை போன்ற முக அமைப்பு, குரங்கு போன்ற வால், ஆண் இனங்கள் இனப்பெருக்கம் செய்தல் இப்படியாக பல்வேறு சிறப்புகளையுடைய அரியவகை கடல்வாழ் உயிரினமான கடல் குதிரைகள் பல்வேறு காரணங்களால் கொஞ்சம் கொஞ்சமாக அழிந்துவருவதை அரசு தடுக்க தீவிர நடவடிக்கை எடுக்க வேண்டும்.
இயற்கை வளங்கள் அதிகம் நிறைந்த மன்னார் வளைகுடா கடல் பகுதி தென் தமிழகத்தில்தான் உள்ளது. இங்கு உலகிலேயே வேறு எங்கும் இல்லாத சுமார் 3600 வகையான கடல்வாழ் உயிரினங்கள் உள்ளதாகத் தெரியவந்துள்ளது. இந்த அரியவகை உயிரினங்களில் கடற்குதிரை என்னும் ஒருவகை மீன் இனமும் ஒன்று. இதன் தலையானது குதிரையின் தலைபோன்று இருப்பதால், இதற்கு கடற்குதிரை எனப் பெயர் ஏற்பட்டதாம்.
ராமேசுவரத்திலிருந்து தூத்துக்குடி வரையுள்ள ஆழம் குறைந்த கடல்பகுதியில் காணப்படும் இக் கடல் குதிரைகளின் வால் குரங்கின் வால் போல நீண்டும்,சுருண்டும் காணப்படுகிறது. இந்த வாலின் மூலம் கடற்தாவரங்கள், கடற்பஞ்சுகள் போன்றவற்றை பற்றிக்கொண்டு இருக்குமாம்.
உடலமைப்பை பொருத்தவரை நன்கு நீண்டு வளையங்களால் அமைந்தது போன்றும் வாய் நீண்டு குழல் போலவும் மார்புப் பகுதி சற்று அகன்று விரிந்தும் காணப்படுகிறது. உடலில் பக்கவாட்டுக் கோடுகள் மற்றும் நீண்ட புள்ளிகள் தென்படுகின்றன. சுமார் 6 செ.மீ முதல் 17 செ.மீ வரை நீளமும் எடை 4 கிராம் முதல் 14 கிராம் வரையும் இருக்கிறது.
முதுகுத் துடுப்பினைப் பயன்படுத்தி மெதுவாக நீந்தியும் பெரும்பாலும் குதித்துக் குதித்தும் செல்கின்றன. பிற விலங்குகளிலிருந்து தங்களைப் பாதுகாத்துக் கொள்ள கடற் தாவரங்களுக்குள் மறைந்து கொள்கின்றன. கண்கள் சிறிதாக இருந்தாலும் எந்தப் பக்கம் வேண்டுமானாலும் திருப்பிக் கொள்ளும் வசதியுடையதாகவும் உள்ளது. தனக்குத் தேவையான மிதவை நுண்ணுயிரிகளை உறிஞ்சி வடிகட்டி உண்ணும் தன்மையுடையது.
பெண் கடற்குதிரைகள் தங்களின் முட்டைகளை (200) ஆண்களின் வால் பகுதியில் உள்ள இனப்பெருக்கப் பைகளில் விட்டுவிடும். அதனை ஆண் கடற்குதிரைகள் கங்காரு போல நன்கு பேணி ஆறு வாரங்கள் பாதுகாத்து குஞ்சுகளாகப் பொரிக்கின்றன. குஞ்சுகளின் எண்ணிக்கையும் 50 முதல் 100 வரை இருக்கும். பிறக்கும் குஞ்சுகளின் நீளம் ஏறத்தாழ ஒரு செ.மீட்டராக இருந்தாலும் பெற்றோரின் பாதுகாப்பு அதிகமாகவே இருக்கும்.
பல்வேறு சிறப்புகளை உடைய இந்த அரிய வகை கடல்வாழ் உயிரினத்தின் விற்பனை விலை கிலோவுக்கு ரூ. 2000 முதல் ரூ. 5000 வரை உள்ளது. சிங்கப்பூர், சீனா போன்ற நாடுகளுக்கு ஏற்றுமதி செய்யப்படுகின்றன. இவற்றின் மூலம் ருசி மிகுந்த சாறு வகைகளும், மருத்துவப் பொருள்களும் தயாரிக்கின்றனர்.
ராமநாதபுரம் மாவட்டத்தில் குழந்தைகளுக்கு உண்டாகும் கக்குவான் இருமலுக்கு இதைப் பயன்படுத்துகின்றனர். உலர்ந்த கடற்குதிரையை வறுத்து அதன் தூளை தேனில் கலந்து குழந்தைகளுக்கு மருந்தாகக் கொடுக்கின்றனர். தேங்காய் எண்ணெயில் கலந்து வெட்டுக் காயங்களுக்கும் இப் பகுதி மக்கள் உபயோகிக்கின்றனர்.
ஆஸ்துமாவுக்கும் சிறந்த மருந்தாக இருப்பதால், உலக அளவில் இது அதிகமாகத் தேவைப்படுகிறது.
கடலுக்கடியில் சங்கு மற்றும் கடல் அட்டை போன்றவற்றை எடுப்போர் இதனையும் பிடிக்கின்றனர். கடலுக்குள் கடல் தாவரங்கள் உள்ள பகுதிகளுக்குள் மூழ்கி கடற்குதிரைகளையும் கைகளால் சேகரிக்கின்றனர். சுமார் 6 முதல் 10 மீனவர்கள் குறைந்தது 3 மணி நேரமாவது இதனைப் பிடிக்கும் முயற்சியில் ஈடுபடுவதால், இந்த அரியவகை உயிரினம் கொஞ்சம், கொஞ்சமாக அழிந்து வருகிறது.
ஒரு படகுக்கு ஒரு நாளைக்கு 120 முதல் 350 கடற்குதிரைகள் வரை பிடிக்கப்படுகின்றன.
இருக்கும் சிலவற்றையாவது அழிவிலிருந்து பாதுகாக்க அழிவுதரும் வலைகள் பயன்படுத்துவதை அரசு தடுக்க வேண்டும்.
இவற்றை பிடிப்பவர்கள் பற்றிய தகவல் தருவோருக்கு அரசு ரகசிய ஊக்கத்தொகையும் வழங்கலாம். இது போன்ற அரியவகை கடல்வாழ் உயிரினங்கள் உள்ள கடல்பகுதியில் அரசு மிதவை வேலிகளையும் அமைக்கலாம். இல்லையேல் இந்த அரியவகை உயிரினம் இனிவரும் இளைய சமுதாயத்துக்கு என்னவென்றே தெரியாமல் போய்விடும்.
5:09 am
ரைபோசோம்கள் என்பவை மனித செல்களில், புரதச்சத்தை தயாரிக்கும் தொழிற்சாலைகளாக செயற்படுகின்றன. மனித செல்களில் இருக்கும் மரபணுக்கள்(டி.என்.ஏ), உயிர்த்தன்மையின் அடிப்படை கட்டமைப்பை தம்முள் கொண்டிருக்கின்றன.
இந்த கட்டமைப்பு தகவல்களை பயன்படுத்தி உயிர்வாழும் புதிய கலங்களை உருவாக்கும் பணியை இந்த ரைபோசோம்கள் செய்கின்றன.
இத்தனை முக்கியத்துவம் வாய்ந்த இந்த ரைபோசோம்களின் அடிப்படை கட்டமைப்பை, அணு அணுவாக பிரதி எடுத்த செயற்பாட்டுக்காகவே, இந்த மூன்று விஞ்ஞானிகளுக்கும் இந்த ஆண்டுக்கான வேதியியல் துறைக்கான நோபல் பரிசு அளிக்கப்பட்டிருக்கிறது.
இவர்களின் இந்தப் பங்களிப்பு காரணமாக, இன்றைய மருத்துவ சிகிச்சையில் பயன்படும் பல்வேறு உயிர்காக்கும் ''ஆண்டிபயாடிக்ஸ்'' எனப்படும் நுண்ணுயிர்க்கொல்லி மருந்துகளை உருவாக்க முடிந்திருக்கிறது.
இத்தகைய ரைபோசோம்களின் செயற்பாடுகள் இல்லாமல் பாக்டீரியாக்கள் உயிர்வாழ முடியாது. இத்தகைய பாக்டீரியாக்களின் ரைபோசோம்களை குறிப்பிட்டு தடுக்கும் வகையில், அவற்றின் அணுக்கட்டமைப்பை இவர்கள் முழுமையாக பிரதியெடுத்ததன் பயனாக, பல் வேறு நோய்களுக்கு புது வகையான சிகிச்சை முறைகள் உருவாகியிருக்கின்றன.
5:05 am
சமூக வலைப்பின்னல் தளங்களில் பெண்களின் ஆட்சி நடக்கிறது.அதாவது ஃபேஸ்புக் போன்ற சமூக வலைப்பின்னல் தளங்களை பயன்படுத்தும் ஆண்களை விட பெண்களே அதிக அளவில் உள்ளனர் என்று பொருள்.
தகவல்கள் அழகானது (இன்பர்மேஷன் ஈஸ் பியூட்டிபுல்) என்னும் பெயரில் இணையதளம் இந்த தகவலை வெளியிட்டுள்ள்து.
தகவல்களை தகவல்களாக பார்க்காமல் அவற்றை காட்சி ரீதியாக உருவகப்படுத்திக்கொண்டு பார்த்தால் தகவல்கள் உணர்த்தும் பொருளை சரியாக புரிந்து கொள்ள முடியும் என்று கருதுபவர்கள் இருக்கின்றனர்.இப்படி காட்சி ரிதியாக பார்பது மிகவும் சுவாரஸியத்தை அளிக்க கூடியதாகவும் கருதப்படுகிறது.
காட்சிரீதியாக தகவல்களை காணும் முறை இன்போகிராபிக்ஸ் என்னும் பெயரில் அழைகப்படுகிறது. தமிழில் தகவல் சித்திரம் என்று வைத்துக்கொள்வோமே.இவ்வாறு இண்டெர்நெட் தொடர்பான பல அழகிய தகவல் சித்திரங்கள உருவாக்கப்பட்டுள்ளன.இத்தகைய சித்திரங்களை உருவாக்குவதில் புகழ் பெற்ற கலைஞர்களும் இருக்கின்றனர்.
இந்த பிரிவில் பிரசித்திப்பெற்ற இணையதளங்களும் உள்ளன.மேலே சொன்ன தளம் இந்த வகையை சேர்ந்த்து தான்.பக்கம் பக்கமாக எழுதிக்கொண்டிராமல் சொல்ல வரும் விஷயத்தை அழகாக ஒரு தகவல் சித்திரத்தின் மூலம் காட்சி ரீதியாக சொல்லி விடுவது தான் இந்த தளத்தின் தனிச்சிறப்பு.
அழகான படங்களின் மூலம் இந்த தளத்தில் சுவையான சங்கதிகளை தெர்ந்துகொள்ள முடியும்.
இந்த தளத்தில் சமீபத்தில் சமூக வலைப்பின்னல் தளங்களின் பயன்பாட்டை விவரிக்கும் தகவல் சித்திரம் வெளியிடப்பட்டது.ஃபேஸ்புக்,ஃபிளிக்கர்,மைஸ்பேஸ் உள்ளிட்ட தளங்களின் பயனாளிகளில் பெண்களே அதிகம் உள்ளதாக இந்த சித்திரம் சுடிக்காட்டுகிறது.
யூடியூப்,மற்றும் ,லின்கிட் இன் போன்ற தளங்களில் இந்த எண்ணிக்கை சம அலவில் உள்ளன.
இந்த விவரங்கள் ஆச்சர்யமானவை.காரணம் பொதுவாக இண்டெர்நெட் பயன்பாட்டில் ஆண்களே அதிகம் இருக்கும் நிலையில் சமூக வலைப்பின்னல் தளங்களில் பெண்கள் முன்னிலை வகிப்பது குறிப்பிடத்தக்க விஷயம் தான்.ஒருவேளை பெண்கள் உறவை வளர்ப்பதில் ஈடுபாடு மிக்கவர்களாக இருப்பதை உணர்த்துவதாக இதனை கொள்ளலாமா?என்னும் கேள்வியும் எழுந்துள்ளது.
நீற்க சில மாதங்களுக்கு முன் வெளியான ஒரு புள்ளி விவரத்தின் படி ஆன்லை கலைக்களஞ்சியமான விக்கிபீடியாவில் தகவல்களை சமர்பித்து திருத்தும் தொண்டை செய்யும் பயனாளிகளில் பெண்கள் 14 சதவிதத்திறகும் குறைவாகவே இருக்கின்றனர் என்று தெரிய வந்துள்ளது.பெரும்பாலும் ஆண்களே விக்கிபீடியாவில் கட்டுரைகளை உருவாக்கி வருவதை இந்த புள்ளிவிவரம் உணர்த்துவதாகவும் கருதப்பட்டது.
அது மட்டுமல்ல விக்கிபீடியாவின் தமிழ் பதிப்பை பொருத்தவரை பெண்களின் பங்களிப்பு இரண்டே இரண்டு சதவீதம் தான் என்றும் தெரிய வந்துள்ளது.
இணையவாசிகளின் பங்களிப்பில் உருவாகும் புது யுக கலைக்களஞ்சியம் ஆண்களின் படைப்பாகவே இருப்பதாக கருதப்படும் நிலையில் சமூக வலைப்பின்னல் தளங்களில் மங்கையர் ராஜ்ஜியம் நடப்பது ஆச்சர்ய செய்தி தானே.
4:58 am
5:23 am
எச்ஐவி பாதிப்புக்குள்ளான பலரிடம் ஆரம்பநிலையில் அதற்கான அறிகுறிகள் தெரிவதில்லை. இருந்தபோதிலும் சிலரிடம் இது காய்ச்சல் மூலம் வெளிப்படுகிறது. அதுவும் இந்த வைரஸ் மூன்று முதல் ஆறு வாரங்களுக்குப் பிறகே தெரிகிறது. 
பொதுவாக எய்ட்ஸ் நோய் பாதித்தவர்களுக்கு வெள்ளை அணுக்கள் குறைவதால் எதிர்ப்புசக்தி குறைகிறது. இதனால் எளிதாக எந்த நோயும் எய்ட்ஸ் நோயாளியைத் தாக்குகிறது. எய்ட்ஸ் நோய் பாதித்தவர்கள் பெரும்பாலும் ஏதாவது ஒரு தொற்று நோயாலோ அல்லது பெரிய நோய்த் தாக்குதலாலோத் தான் எளிதில் மரணமடைகிறார்கள். 
